Movidillas.net

Reprodúzovos a continuación un mail que me enviaron:

____________________________________________

The amablingua

Xa viña sendo time de que el new president descubrise the magic solution to the cosa de la lengua no Galician Country.

The solution é o chamado “castrapo enriquecido”, al que también chaman “eurocastrapo”, “triglosia feijooooana”, amablingua , “galcasinglish” ou, na Galicia Sur, simplemente “feixoada”.

Basically consiste en ser amables. You are moi amable, in such a way que no ofendas a nobody arround. Because the cosa es no imponer, e se ti escolles one language –only one, ollo!- ti andas
imponiéndote que nin a milk! So, first asunto: amabilidade, gentleness e, especially, never, never, never, mesmo nunca, fales only in the regional idioma.

The second cosa vén sendo a closing down das galescolas, que finally serán substituídas by “trilingüelas” (not “bi”, but “tri”), to properly enseñar the new lengua.

This is, efectivamente, the solution to the cuadratura of the circle: combinar a “soberanía lingüística” dos pais, with the deber of promoting e facer normal o galego, sin ofender a la lengua de Rosa Díaz, and also co obxectivo de trilingüizar aos nenos and little girls.

So, a nai escolle, e choose o que choose, sempre ficará happy, ya que a súa escolla is included in the eurocastrapo. In fact, this feixoada is the “tres in one”, very inclusive and amabilismo.

At the same time, the Xunta resolverá o “problem” educativo, sen que such a thing lle supoña un quebranto presupuestario. Efectivamente, as a matter of fact, o novo language non ten a very precise normas, and predomina a única and conocida only norma do “tanto ten, ti vai disimulando”, que se complementa coa de “never rained que non escampara”. Así, the teachers training is going to ser very barrato, barrato, cal carpet of magrebí.

And, by the way, if non caíches na conta, este artículo is the first one written in the new idioma. Buena luck and remember o que di the song: non te warrees,
be happy, tra,la,la,la,la,la,la,la….

Saúde!

Ante os continuos ataques ó patrimonio cultural galego que vemos presenciando da man de diversos colectivos, algúns afincados nas institucións administrativas, e á situación de perigo na que se atopa a lingua galega, véxome no deber de publicar esta listaxe de recursos en galego, coido que a maior de Internet, (este proxecto aspiraba a imitar ó grandísimo compendio da Universidade de Vigo, pero coido que iso queda un chisco desactualizado) co desexo de axudar a  fomenta-lo emprego do galego na rede, e axudar a aqueles que desexan facer a súa vida en Internet en galego, como o fan no seu pobo ou na súa casa ou cos seus amigos IRL.

A listaxe componse de numerosos recursos lingüísticos, xornais e páxinas de novas, proxectos de traducción de software, incluso redes sociais e algún sitio de blogging, en galego.

Diccionarios e enciclopedias.

DiGalego | Hoxe por hoxe é o mellor diccionario online en galego, coa singularidade de que se pode incluir o seu código no teu blog ou páxina web, permitindo funcionalidades ó usuario, como a de presentar un significado dunha verba sobre a que se faga dobre clic. Emprega o galego estándar e chega da man da editorial Ir Indo :)

e-Estraviz | O mellor diccionario de galego reintegracionista que existe. É o diccionario oficial da AGAL, que é a Associaçom Galega da Língua, institución que traballa unha das dúas únicas normativas da lingua galega. Moi recomendábel incluso se non escribes empregando esta normativa. De feito alberga léxico do que os outros diccionarios carecen.

Diccionario “Oficial” Este é o diccionario oficial da Real Academia Galega, institución oficial que se encarga da normativa estándar do galego, institución que, por certo, non ofrece un mísero vencello ó seu propio diccionario na súa web e por iso está na da Xunta. (Todo hai que dicilo). Ó diccionario lle falta moitísimo léxico, presente nos outros compendios, pero é o diccionario de galego estándar por definición e é o que se estuda.

DiGaTIC | O único diccionario de termos tecnolóxicos en galego. Bastante completo, e resolve a súas dúbidas… aínda que eu persoalmente teña discrepancias con algúns termos. En teoría é unha web oficial da Xunta, pero a súa linguaxe por defecto é o castelán, malia que a lexislación diga que a Xunta débese de encargar de fomentar o galego.

Galizionario | Un proxecto de diccionario ceibe, creado polos usuarios e baseado en wiki. Actualmente ten máis de 28.690 entradas.

Galipedia | a enciclopedia en galego de contido ceibe, creada polos usuarios e xa con máis de 55.112 artigos enciclopédicos.

Logo, a Universidade de Vigo pon ó servizo do internauta o maior compendio de servizos lingüísticos con diversos fins. Na súa web podemos atopar os seguintes recursos:

– Diccionario Galego – Inglés

- Diccionario Galego – Francés

Outros recursos lingüísticos:

Corrector ortográfico online de galego da Universidade de Vigo: OrtoGal.

Corrector ortográfico “Bemposto”, para versións antigas de Micro$oft Word.

Xornais online, sitios de novas e blogs de interese:

Como está claro que un galego xa non pode esperar de medios como La Voz de Galicia ou o Faro de Vigo unha boa cantidade de artigos en galego, velaquí están algúns medios alternativos máis novos, e máis acordes cos tempos actuais no que ó respeto ó galego atinxe.

Vieiros, xornal online inspirado na revista Vieiros, fundada polos emigrados. Xornal xeralista, exhibe opinións de todas as ideoloxías, dende esquerda a dereita pero sempre cun caracter galeguista marca da casa.

Galicia Confidencial, páxina de blogs galegos que chegou a se converter nun xornal online. Fundamentalmente baséase en artigos de opinión de galegos de diversas ideoloxías, dende a esquerda ata a dereita, pasando por nacionalistas.

Xornal de Galicia, un novo xornal con artigos en castelán e en galego. É bilingüe de verdade, non “bilingüe” galegófobo. Xornal é un medio xeralista que apareceu recentemente.

A Nosa Terra, un histórico xornal de carácter galeguista. Un dos máis antigos da nosa terra, en galego, xeralista, e bastante aliñado co nacionalismo galego.

Código Cero, unha páxina de novas tecnolóxicas en galego que tamén edita o seu propio xornal físico.

Chuza, unha páxina onde os usuarios ruben as súas propias novas, que se poden votar, na liña de Menéame ou Digg.

Blogaliza, unha páxina e comunidade de blogueiros que ten a súa propia plataforma de blogging baseada en WordPress.

Blogues pola lingua, rede de blogueiros en defensa do galego, na cal eu participo

Internet social galega:

Aquí están presentes as redes sociais galegas máis importantes. Dende grupos de discusión, pasando por chats ou servizos de microblogging.

Fillos de Galicia, a maior rede social galega, con especial presencia dos galegos espallados polo mundo. É tamén un dos máis grandes exemplos na rede do que se pode facer con tecnoloxía WordPress.

Latri.ca, o maior servizo de microblogging en galego. Semellante a Twitter. Ademáis emprega tecnoloxía ceibe.

Lareta, outro servizo de microblogging en galego que actualmente non se atopa funcional, pero deixo o vencello por se, como reza ó entrar no dominio, volve a estar furrulando sobre Febreiro.
Cabozo, presentado como o FaceBook galego. O derradeiro que se soubo desta rede foi que fora atacada empregando algún burato de seguridade, e dende entón a páxina non está accesíbel. Igualmente déixovolo por se volta algún día.

Canle de chat ##galego na rede Freenode. A canle de galego onde solventamos dúbidas e colaboramos en diversos proxectos de traducción de software ceibe. Tamén é a canle oficial dalgúns proxectos coma a Enciclopedia Enxebre. Ó chat pódese acceder con calquer programa de IRC ou Internet Relay Chat, sendo o máis coñecido deles o mIRC. Se prefires un programa ceibe, podes empregar o Xchat ou o Chatzilla.  Hai que se conectar ó servidor irc-hispano.org e escribir “/join #galiza”. Se o teu navegador   está debidamente configurado, seguro que podes entrar no chat directamente premendo este vencello: irc://chat.freenode.net/galego

Canle de chat #Galiza na rede IRC-Hispano (O primeiro chat en galego da Internet, e hoxe en día, un dos poucos que nela fican). Ó chat pódese acceder con calquer programa de IRC ou Internet Relay Chat, sendo o máis coñecido deles o mIRC. Se prefires un programa ceibe, podes empregar o Xchat. Hai que se conectar ó servidor irc-hispano.org e escribir “/join #galiza”. Se o teu navegador   está debidamente configurado, seguro que podes entrar no chat directamente premendo este vencello: irc://irc-hispano.org/galiza . Esta é a páxina oficial da canle, aínda que se atopa un chisco desactualizada: http://www.geocities.ws/canlegaliza/ . Tamén houbo outra canle #Galiza aloxada noutra rede, en Undernet, pero actualmente non existe. A súa páxina era esta: http://www0.umoncton.ca/soeler/galiza/galiza_irc.htm

Hai más chats galegos, por exemplo a canle de chat #Galicia, tamén no IRC-Hispano. Dezcoñezo se ten páxina oficial, e a verdade non falan moito galego na canle… está máis dirixido a ser un espazo de contactos. Accédese da mesma forma, trocando #Galiza por #Galicia. Tamén están outras como #Coruña (Unha das máis grandes canles de chat da rede IRC-Hispano), o #Vigo, e o #Valdeorras, a canle de chat da bisbarra de Valdeorras.

A maior listaxe de galegos no Twitter | O proxecto que comecéi fai uns días, que pretende aglomerar ó maior número de galegos en Twitter que sexa posible. A listaxe conta xa con case 300 usuarios, é pública e calquera pode colaborar na súa manufactura!Non se discriminará nin por sexo, raza, credo, ou ideoloxía. Aspírase a facer unha listaxe simplemente de galegos de todo tipo. Se queres colaborar só tes que deixar un comentario neste post ou neste outro, que é o propio do proxecto: http://movidillas.net/2010/01/23/a-maior-listaxe-de-galegos-do-twitter/

Recursos multimedia en galego.

GZVideos, un sitio de streaming de videos similar a Youtube, pero en galego, onde os usuarios poden rubir os seus propios contidos.

Galilibros, un arquivo wiki de libros gratuitos en galego.

Flocos.tv, un espazo de cine online onde podemos ver películas e seriales televisivos en galego. Da man dos rapaces de A Navalla Suíza (Bó traballo! :)

Rede Galega de Radios Libres e Comunitarias, unha rede de espazos radiofónicos ceibes , onde cabe resaltar Radio Piratona e mais Radio FilispiM
Pódense escoitar online, por suposto!
Biblioteca Virtual Galega da Universidade da Coruña: http://www.bvg.udc.es/

Proxecto documental sobre a lingua galega, creado polos rapaces de A Navalla Suíza. Ten a especialidade de ser un documental sen fin, dado que os usuarios poden ir engadindo contido contínuamente! (Unha vez máis; sodes grandes, rapaces!): eufalo.tv

Proxectos de fomento da lingua e traducción ó galego.

A CiberIrmandade da Fala, unha comunidade de persoas que traballamos a prol do emprego da nosa lingua na rede, coordinándonos en accións conxuntas e outros proxectos.
Blogues pola lingua, rede de blogueiros en defensa do galego, na cal eu participo

g11n, punto de encontro dos participantes nos diversos proxectos de traducción de software ó galego.

Proxecto Trasno, colectivo de traductores de software ceibe ó galego.

Canle de chat ##galego na rede Freenode. A canle de galego onde solventamos dúbidas e colaboramos en diversos proxectos de traducción de software ceibe. Tamén é a canle oficial dalgúns proxectos coma a Enciclopedia Enxebre. Ó chat pódese acceder con calquer programa de IRC ou Internet Relay Chat, sendo o máis coñecido deles o mIRC. Se prefires un programa ceibe, podes empregar o Xchat ou o Chatzilla.  Hai que se conectar ó servidor irc-hispano.org e escribir “/join #galiza”. Se o teu navegador   está debidamente configurado, seguro que podes entrar no chat directamente premendo este vencello: irc://chat.freenode.net/galego

Listaxe de teléfonos móbiles que empregan o galego: http://www.oteumobilengalego.com/software_galego.php

——————————————————

Esta listaxe vai ser actualizada co tempo e coa aparición de novos recursos. Calquer usuario da rede pode contribuir a mellorala. Pra iso só ten que deixar un comentario neste post coa información pertinente ou ben comunicarse coa xente das canles de chat que aparecen no artigo.

Espero que se tedes algo importante o comuniquedes e non fiquedes caladiños!

Graciñas a todos os que colaborades e axudades a manter esta importante listaxe. Tamén ós creadores das páxinas citadas nela, xa que facedes posible a Internet galega.

Atte;

Amse.

Saúde!

Estou facendo unha listaxe de usuarios galegos do Twitter. O meu obxectivo é termos unha listaxe onde se poidan valorar as diferentes opinións dos galegos con acceso a Internet, e publicita-lo noso idioma e a nosa cultura nesta gran rede social que é Twitter. De momento o proxecto está aloxado entre as listaxes da miña conta de usuario (aquí), pero a intención é publicar no futuro un post en conxunto entre varios blogs galegos, procurando darnos autobombo a nós mesmos, e por suposto, promocionar o noso idioma e a nosa cultura. Incluso me estou a plantexar presentar a proposta como acción conxunta na listaxe de correo de Blogues pola Lingua… pero iso xa se verá.

De momento recolectei máis de 200 nomes de usuario, pero como vin que había máis xente da que eu pensaba, decidín deixa-la recolección na man de cada un. ;) Calquera pode formar parte da listaxe e/ou participar na súa elaboración! A continuación determínase cómo:

Pra formar parte da listaxe: Simplemente enviade unha mensaxe expresando o voso desexo á miña conta de Twitter, que é @amsenp. Tamén podedes deixar un comentario neste post ou empregar o formulario de contacto de Movidillas.net, en http://movidillas.net/acerca-de/.

Pra axudar na elaboración da listaxe: Comunícádeme polos métodos anteriormente descritos os nomes das contas de usuario de persoas galegas que coñecedes.

Eu estimo que debe de haber un milleiro de galegos no Twitter, aproximadamente, pero debido a situación de inferioridade da lingua galega, non se recoñece á metade deles a menos que se declaren galegos no perfil, porque non todos os galegos falan o seu idioma nesta rede. Así que tendo iso en conta e que o número de integrantes actual da listaxe sitúase en torno a pouco máis de 200, penso que deberíamos aspirar a un obxectivo primario, como 300, e de conseguirse, aumentalo ata 500. Penso que isto é moi realista e axustado ás condicións da actualidade.

Non hai ningún requisito especial pra ser da listaxe. Só cómpre ser galego nativo en calquera das provincias galegas (Ourense, Lugo, Pontevedra, e A Coruña), ou ben ser descendente de galegos por algún lado da familia. Tamén serán benvidas as persoas que saiban falar galego ou teñan especial interese pola nosa cultura, aínda que non teñan nada que ver. E por suposto, aquel que leve un tempo suficiente vivindo en calquera das provincias galegas como pra formar parte ou gostar a nosa cultura, ten tamén un lar nesta listaxe. Non importan as ideoloxías, o idioma que fale (se fala galego, mellor, pero non por non falalo deixa de ser galego), non importan os credos, cor de pel, idades, ou sexo. Nesta listaxe están incluidos dende os independentistas galegos ata galegos españolistas (por grande que sexa a incongruencia).

Se alguén atópase adherido á listaxe e non quere estar, que mo comunique polos métodos de contacto anteriormente descritos. Tamén deixarán de formar parte da listaxe aqueles que incumplan as normas de uso de Twitter.

Sen máis, deséxovos moita sorte na procura de galeguida no Twitter!

Graciñas por colaborar!

Amse.

As críticas ó decretazo en contra do galego non paran de afogar  nin os medios, nin de seguro os  correos  da Xunta de Galicia.  Un órgano da Unión Europea xa denunciou ó goberno de Galicia por maltratar ó galego, cando o seu deber é protexer a lingua xa que é minoritaria. Pero como dixen noutro post, ós caciques que nos gobernan e rouban cartos, lles importa tres carallos o que lles digan. Mentres tanto, o sector que se di “galeguista” do PP,  están montando unha trapallada coma un castelo pra arrapañar co voto indeciso do rural ourensán, que pesa moito, e así asegurar ó Baltar na deputación e na loita interna do PP galego… Está moi ben o de dicirse galeguista nestes tempos, pero tampouco están protestando como sería debio se tanto lles preocupase a lingua galega. Por outra banda, nese partido non sei qué fan se tan galeguistas son… mimá.  Quen os vira cando gobernaba Fraga, e eran do mesmo partido!

    Choven críticas por todas partes.

   A Axencia Europea para as Linguas Minoritarias -European Bureau for Lesser-Ussed Lenguages (Eblul)- dirixiuse á Xunta de Galicia para pedirlle “que poña fin ás iniciativas que tomou en contra do idioma galego”. No Eblul, órgano consultivo do Parlamento europeo, do Consello de Europa e de Nacións Unidas, consideran “de especial gravidade” que o Goberno galego non estea a ter en conta o último ditame do Comité de Expertos do Consello, emitido a finais do 2008 e no que se dá conta da situación da lingua galega, e se ve claramente como esta lingua atópase en receso, nunha situación de perda de falantes, cunha mocidade galega da que o 20 % non sabe falar propiamente o idioma. Pero á Xunta de Feijóo fixo coma se non pasase nada e afirmaron que o castelán se estaría perdendo de no ser grazas a eles, e que o galego o estaba a impor o anterior executivo. 

  A Mesa pola Normalización Lingüística tamén se pronunciou en contra do decretazo, transmitindo as súas queixas fomalmente á institutción e maila UE.  Catedráticos e xuíces tamén toman partido en contra deste decreto anti-cultural.  Tamén a Real Academia Galega declarou o perxudicial que pode resultar pra as novas xeracións este decreto. As rectorías das 3 universidades galegas declararon así mesmo que de se aprobar este decretazo, os novos estudantes universitarios non terán o nivel requerido pra afontar unha educación universitaria no sistema educativo galego. Ata o fillo do empresario Cuíña posicionóuse a favor da plataforma Queremos Galego, que busca a derogación deste novo decretazo do goberno actual, e máis respeto ó galego, pra que non se perda o idioma.

Así todo e cunha listaxe tan longa de apoios, algún medio (des)informativo da Coruña segue a por artículos a modo de cortina de fume nos tags de búsqueda, tentando de lle restar importancia ó feito de que o goberno está a desouvir a todo o mundo, UE, RAG, Universidades incluidas. A contrapartida na prensa foi un escrito difundido nun diario portugués, O Correio do Minho, onde se pedíu ós portugueses solidariedade co pobo galego e mailo seu idioma propio.

 Políticamente, a cousa esá clara: O Goberno non debe continuar esta política perxudicial pra a cultura. Os partidos políticos situáronse TODOS agás o PP, partido gobernante, contra este decretazo. PSOE, BNG, IU, FPG, Nós-UP, PG… todas as forzas políticas do país. Tamén paso o mesmo nos sindicatos, onde TODOS os que teñen presencia en Galicia, que son CCOO, UXT (UGT de Galicia), CIG, STEG, e ANPE, posicionáronse a prol do galego, confirmando a súa presencia na folga do 21 de Xaneiro, convocada por Queremos Galego.

  Paradóxicamente, non só o goberno galego non fai caso ningún ó seu propio pobo.

Por iso é importante a folga do 21 de Xaneiro e as demáis que se poidan producir. O idioma atópase en perigo e o goberno está facendo todo o contrario ó que se lle supón a súa función: Representar ó pobo galego. E isto é moito máis claro despois de ver todos estes posicionamentos en contra do decreto e a favor da folga. O que quere o pobo galego non é un decreto que marxina ó seu idioma. O que queremos é galego. Dereito a vivir na nosa cultura.

QUEREMOS GALEGO!

21 DE XANEIRO. FOLGA XERAL NO ENSINO. FOLGA POPULAR XERAL EN GALIZA.